أخبار مصر / بوابة يناير

اخر : أحمد السنجيدي يستعرض الأسباب الحقيقة لزيادة البنزين والسولار

>
كتبت – خلود علي:

نشر أحمد السنجيدي، الباحث في مجال تكنولوجيا المعلومات والتنمية الاقتصادية، الأسباب الحقيقية لزيادة سعر البنزين والسولار. 

وقال السنجيدي، على صفحته على موقع التواصل الاجتماعي “فيس بوك”، “الاسباب الحقيقية لزياده سعر البنزين و السولار، والدليل علي ان السياسات الاقتصادية الحاليه افقرت المواطن :
1 ** لو كان اترفع الدعم عن البنزين نهائيا من غير ‘ تعويم ‘ كان زمانا بنحاسب عليه علي 3.6 جنيه زي السعر العالمي قبل التعويم و الدوله مكنتش هتبقي بتدفع جنيه واحد دعم . ( موضح بالارقام في اخر البوست ) .
2 ** بشكل اوضح السبب الرئيسي في كل كوارث افقار المواطن المصري و منها زياده سعر البنزين هو سياسة ‘ التعويم ‘ الفاشلة .
3 ** من توصيات صندوق النقد ، رفع الدعم عن مشتقات البترول تماما علي 3 مرات ، تم رفعه مرتين ، متبقي مره كمان هيصلوا فيها لمتوسط السعر العالمي 7.5 جنيه للتر تقريبا.
4 ** من الخلل ، انك تحاسب علي سعر البنزين بالسعر العالمي و في نفس الوقت تحاسب علي العربيه بسعر يزيد عن السعر العالمي بسبب الجمارك و الضرائب .
5 ** من الخلل كمان ، انك تدفع اكتر من السعر العالمي للعربية و تدفع ضرائب و كل التزاماتك ناحيه الدولة و في المقابل تُهمل الدول حقوقك من بنيه تحيه و طرق بمقاييس عالميه زي ما بتطالبك ان تدفع بالسعر العالمي ، و بدل ما تحافظ علي عربيتك اللي دافع ثمنها مرتين هتلاقيك بتدفع اكتر من كده كمان في الصيانه بسبب عمرها الافتراضي اللي بيقل للنصف او اكثر .
6 ** من الخلل كمان ، ان الدوله تهمل طرق الطبقه المتوسطه زي شبكه طرق الدلتا اللي مدمره بالكامل و لا تتناسب تماما مع المقاييس العالميه و تهتم بس برصف الطرق للمستثمرين الاجانب .

وتابع، “الدليل بالارقام عن سعر لتر البنزين العالمي قبل التعويم و بعده :
** برميل النفط فيه 159 لتر ، 44% من حجمهم بنزين ، يعني البرميل فيه 70 لتر بنزين ، سعر البرميل 53.4 دولار يضاف للسعر 12% تكرير و 12% توزيع . يعني اجمالي سعر البرميل بعد التكرير و التوزيع 66.2 دولار
يعني سعر لتر البنزين العالمي حاليا بعد التعويم ( الدولار ب 18 جنيه ) = ( 66.2 * 18 ) = 1191.6 جنيه * 44 \ 100 = 524.3 ده سعر 44% من حجم البرميل( 70 لتر بنزين ) ، يعني اقسمهم علي 70 يطلع سعر اللتر تقريبا 7.5 يزيد او ينقص حاجه بسيطه حسب جوده البنزين .
و نفس الحسبه لسعر لتر البنزين قبل التعويم ( علي 8.8 للدولار ) يساوي 3.6 قرش”.

عزيزي الزائر لقد قرأت خبر اخر اخبار مصر : أحمد السنجيدي يستعرض الأسباب الحقيقة لزيادة البنزين والسولار في موقع محيط نت ولقد تم نشر الخبر من موقع بوابة يناير وتقع مسئولية صحة الخبر من عدمة علي عاتقهم ويمكنك مشاهدة مصدر الخبر الاصلي من الرابط التالي بوابة يناير





اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا